كتب سعيد بلبوش.
متابعينا على موقع وجريدة الجمهورية اليوم دوت كوم ورد إلينا هذه الاستغاثة من السيدة وفاء خليفة المقيمة في ٦ شارع جوده بدوي مسطرد شبرا الخيمه وهذا نص الاستغاثة كما وردت إلينا عبر رسائل الجريدة وتقول
انا عندي ٥٠ سنه مسؤله عن أسرتي من ٢٠٠٧
كنت بشتغل في حضانة والدنيا كانت ماشيه والحمد لله
الحياه وقفت مره واحده معايا من اكتر من سنتين وقف حال مغاجىء وغير متوقع وعندي التزامات والوضع معايا بيزداد سوء خصوصا معنديش اي مورد دخل غير معاش مؤقت لزوجي عن والده.
عندي ٣ أولاد في مراحل تعليم
زوجي مريض قلب من ٢٠٠٧ ولا يستطيع بذل اي مجهود عضله قلبه قدرتها ١٧٪ وموجود كل التقارير من ٢٠٠٧ حتى الآن.
زوجي جاله جلطه في المخ من ٦ شهور ولعدم مقدرتي على توفير العلاج تركت إثر على عينه.
وبعدها جاله جلطه تاني ف المخ وتركت له عجز في إيده لعدم توفير علاج ومصاريف جلسات علاج طبيعي.
وحاليا يعاني من ألم شديد في الكلى وبالتحاليل والإشارات دخل مرحله ما قبل الفشل الكلوي ويعاني من ألم شديد في الكلى..
كنت مقدمه على شقه في الإسكان الاجتماعى سنه ٢٠٠١٨ إعلان عاشر كان نفسي اامن لولادي سكن أمن بعيد عن الإيجار الجديد.
وبعد ازمه كورونا توقفت عن دفع الأقساط ربع ثانويه. حاليا عقد الشقه أوشك على الانتهاء معنديش مكان اعيش فيه انا وأسرتي
مش عارفه حروح فين باولادي وزوجي المريض
ووالدتي التي تعيش معي.
يا ريس .
يا ريس لو سمحت محتاجه اعيش ولادي حياه كريمه
ولادي وزوجي ووالدتي مالهومش حد غيري بعد ربنا..
يا ريس لو سمحت من فضلك..
محتاجه اي فرصه عمل عشان اقدر اصرف على أولادي ال في مراحل تعليم.
محتاجه من سيادتك تساعدني في حصولي على الشقه عشان حتشرد انا وأسرتي في الشارع.
يا ريس لو سمحت
محتاجه اطمن على ثمره كفاحي قبل ما اقابل وجه كريم. ده أبسط حق لمواطنه مصريه في عهد سيادتك…
ولذلك نستغيث بالسيد الرئيس عبدالفتاح السيسي رئيس الجمهورية الاب والإنسان الذى يبذل قصارى جهده لرفع المعاناة عن الشعب المصري العظيم
